Hinikayat ni vice presidential candidate Walden Bello ang gobyerno na palayain na si Sen. Leila de Lima.
Ito’y matapos bawiin ni self-confessed drug lord Kerwin Espinosa ang kanyang mga pahayag laban sa senadora.
Sa kanyang tweet, sinabi ni Bello na dapat ay palayain na si de Lima dahil sa biktima lamang ito ng paghihiganti ni Pangulong Rodrigo Duterte.
Isa rin daw ito sa mga plataporma ng kanyang ka-tandem na si presidential candidate Ka Leody de Guzman.
“Release Senator de Lima now.” ani Bello. “One of the key elements of Ka Leody and my campaign has been the unconditional release of this long-suffering victim of a frame-up based on nothing else but the president vindictiveness,”
Matatandaan na sinabi ni Espinosa na tinakot lamang siya at pinilit upang tumestigo laban kay de Lima na dating kalihim ng Department of Justice (DOJ).
“Any and all of his statements given during the Senate hearings, or in the form of sworn written affidavits, against Senator Leila de Lima are not true. He has no dealings with Sen. de Lima and has not given her any money at any given time,” ayon sa dokyumento na ipinasa ni Espinosa sa DOJ.
“Any statement he made against the Senator is false and was the result of pressure, coercion, intimidation and serious threats to his life and family members from the police who instructed him to implicate the Senator into the illegal drug trade,” dagdag niya pa.
Humingi rin ng tawad si Espinosa kay de Lima dahil sa ngayon ay limang taon na itong nasa piitan dahil sa akusasyon laban sa kanya.
#FreeLeilaNow pic.twitter.com/TQS7Ii7dBf
— Walden Bello (@WaldenBello) April 28, 2022
0 Comments