Viral ngayon sa social media ang video ng isang customer na bigla na lamang umanong nagwåla sa isang laundry shop. Ito ay matapos i-post ni Anlene Dolorfino ang video at ilang larawan ng babaeng kinilalang si Kimmie Guarnes Vailoces.
Ayon kay Anlene, bigla na lamang umanong nagålit ang customer at nanåkit. Narito ang kabuuang post ni Anlene sa kanyang facebook account:
"(Pinopost ko po ito para sa kaalaman ng mga tiga Mandaluyong .Wala po akong intensyon na manira)
Share ko lang yung nag amok, nag hysterical at nag banta sa amin last Sunday night.
"Nung umaga na nagdala siya ng laundry niya, okay na okay pa siya. Maayos pa siyang kausap at nakipag biruan pa sa isang staff namin. Nagkasundo kami na itetext na lang siya kapag okay na ang laundry niya at pwede nang kuhanin. Pagkatapos ng usap namin na yun, umalis na siya.
"After 20 to 30 minutes, bumalik siya at nilapitan ako para sabihin na magbabayad na siya. Kaya inassist ko siya at sumunod sa akin papunta ng counter. Tahimik lang siya non. Sa gilid na table namin, kumakain yung isa naming staff. Nakita siya at inalok pa siya kumain. Ang sabi niya, "No thanks". At sinundan pa ng tanong ng staff namin kung saan siya galing. Hindi na siya sumagot. Nagpatuloy sa pag kain ang staff namin at nanonood ng video (Tiktok) sa cellphone.
"Bigla na lang lumapit itong babae at sinabi sa staff namin na "Gusto mo ikaw ang sampalin ko? Tang ina mo!" At hinampas niya ang staff sa balikat. Tatlo kaming dinuro duro niya. At sinabihan na wag magsasalita at lahat daw kami sa store ay may problema. Natulala kami sa kanya saka napapaisip kung ano nangyari, wala naman kaming ginawa sa kanya para magalit siya sa amin. Galit siyang umalis at hindi nagbayad. Bago siya makalabas ng store namin, sumigaw siya at pinagmumura kami.
"Pinalampas namin dahil inintindi namin siya na baka may problema siya kaya mainit ang ulo niya. Tinext ko sya sinabi ko sa kanya na kuhanin na lang niya ang laundry niya dahil hindi na namin icacater pa. Dahil hindi kami nagtotolerate ng ganun na customer na bigla na lang magmumura saka nananakit.
"Kinagabihan, bumalik siya at nagwawala na. Pinagsisigawan at pinagmumura niya kami ng kasama ko sa store nung oras na yun. Sinaktan pa niya ako. At pinagbantaan pa kami na mamamatay daw kami.
"Na alarma kami sa sinabi niya kaya humingi na kami ng tulong sa lady guard ng building para tumawag ng baranggay. Pina pulis, pina blotter at nakapag file na kami ng complaint para sa kanya. Hindi lang po kami ang pinagmumura at sinaktan niya kundi pati na din ang ilang baranggay officials na nag assist sa amin nung gabing yun.
"Hanggang sa huli, hindi siya humingi ng dispensa para sa eskandalong ginawa niya. Ni hindi po namin siya nakitaan ng pagsisisi sa ginawa niya sa amin.
Wag na lang sanang pamarisan . Salamat."
0 Comments